ဆန္ဒပြရန် ထိုင်းလယ်သမား ၂၀၀၀ ကျော် ဘန်ကောက်ကို ချီတက်

ထိုင်းနိုင်ငံ ဘန်ကောက်မြို့မှာ အစိုးရ ဆန့်ကျင်တဲ့ ဆန္ဒပြပွဲတွေ တကျော့ပြန် အရှိန်မြင့်တက်နေတဲ့ အချိန်မှာပဲ ရာနဲ့ချီတဲ့ လယ်သမားတွေဟာ အစိုးရကို ဆန္ဒပြဖို့ ဖေဖော်ဝါရီ ၂၀ ရက်နေ့မှာ မြို့တော်ဆီကို ချီတက်နေကြပါတယ်။

အစိုးရက စပါးဖိုးငွေကို ပေးချေဖို့ လနဲ့ချီ ပျက်ကွက်နေတာကို ဆန္ဒပြဖို့အတွက် ထိုင်းနိုင်ငံ အလယ်ပိုင်းဒေသကနေ လယ်သမား ၂ ထောင်ကျော်ဟာ လယ်ယာသုံးယာဉ်တွေနဲ့ ချီတက်နေတာပါ။
လယ်သမားတွေဟာ စားစရာတွေနဲ့ တခြားလိုအပ်တာတွေကို လယ်ထွန်စက်တွေပေါ်မှာ တင်ပြီး ချီတက်လာကြတာ ဖြစ်ပါတယ်။
ဒီနေ့ညနေပိုင်း၊ ဒါမှမဟုတ် ဖေဖော်ဝါရီ ၂၁ ရက်နေ့ မနက်စောစောပိုင်းမှာ ဘန်ကောက်မြို့ကို ရောက်ဖို့ ရှိပါတယ်။
ဈေးကွက်ပေါက်ဈေးထက် ပိုပေးတဲ့ အစိုးရ စပါးဝယ်ယူရေးအစီအစဉ်ဟာ ပြည်သူ့ အခွန်ငွေ သုံးပြီး လယ်သမားတွေကို နိုင်ငံရေးအရ မဲဆွယ်စည်းရုံးတဲ့ အစီအစဉ်လို့ စွပ်စွဲမှုတွေ တဖက်မှာ ရှိနေပမယ့် ၀န်ကြီးချုပ် ယင်းလပ်ကတော့ လယ်သမားတွေ ၀င်ငွေတိုးဖို့ အစီအစဉ်ဟာ အောင်မြင်မှု ရခဲ့တယ်လို့ ဖေဖော်ဝါရီ ၁၈ ရက်နေ့ည မိန့်ခွန်းမှာ ချေပခဲ့ပါတယ်။

ဒီကိစ္စနဲ့ ပတ်သက်လို့ ရှေ့တပတ်ကျရင် အဂတိလိုက်စားမှု တိုက်ဖျက်ရေး ကော်မရှင်ကို ထိုင်းဝန်ကြီးချုပ် ယင်းလပ်က ဖြေရှင်းချက်ပေးရဖို့ ရှိပါတယ်။

လယ်သမားတွေဟာ မနှစ် နိုဝင်ဘာလကတည်းက စပါးဖိုးငွေကို စောင့်ဆိုင်းနေကြတာပါ။ ပြီးခဲ့တဲ့ ဖေဖော်ဝါရီ ၁၇ ရက်နေ့တုန်းကလည်း လယ်သမားအဖွဲ့တဖွဲ့ဟာ အစိုးရ ယာယီရုံးနားမှာ ၀ိုင်းရံပြီး ၀န်ကြီးချုပ်နဲ့ တွေ့ဆုံခွင့် တောင်းဆို ဆန္ဒပြခဲ့ကြပါတယ်။

By ဒီဗွီဘီ