ပန်းဥယျာဉ်နှင့် အားကစား ကွင်းများ ဌာန အောက်ရှိ ဥယျာဉ်၊ ပန်းခြံများတွင် အခမဲ့ ကလေး အားကစား ကွင်းများကို ထည့်သွင်းမည် ဖြစ်ပြီး၊ ကိုယ်ကာယ လေ့ကျင့်ရေး ကွင်းများတွင် ကိုယ်ကာယ လေ့ကျင့်ခန်းများ ဆောင်ရွက်နိုင်သော အထောက်အကူပြု ပစ္စည်းများကို ဆက်လက် ထည့်သွင်းမည် ဖြစ်ကြောင်း ၎င်းက ဆက်လက် ပြောကြားသည်။
“ကိုယ်ကာယ လေ့ကျင့်ရေး ကွင်းဆိုတာ အရင်ကတည်းက
ရှိသင့်တာ။ ကိုရီးယားမှာ ရပ်ကွက်အဆင့် ပန်းခြံတွေတောင် လျှပ်စစ်နဲ့ သုံးရတဲ့ Automatic ကိုယ်ကာယ လေ့ကျင့်ရေး ပစ္စည်းတွေ ရှိတယ်” ဟု ကိုရီးယား နိုင်ငံတွင် အလုပ် လုပ်ကိုင်နေသူ ကိုထက်ကိုဦးက ပြောကြားသည်။
ပန်းဥယျာဉ်နှင့် အားကစား ကွင်းများတွင် ကလေး ကစားကွင်းများနှင့် ကိုယ်ကာယ လေ့ကျင့်ရေး ကွင်းများ ဆောင်ရွက်မည့် လုပ်ငန်းများနှင့် ပတ်သက်၍ အသေးစိတ် ကုန်ကျမည့် ငွေကြေး ပမာဏ တန်ဖိုးကို လတ်တလောတွင် မပြောနိုင်သေးကြောင်း ရန်ကုန်မြို့တော် စည်ပင်သာယာရေး ကော်မတီ၊ ပန်းဥယျာဉ်နှင့် အားကစားကွင်းများ ဌာနမှ အကြီးတန်း အရာရှိ တစ်ဦးက ပြောကြားသည်။
ရန်ကုန်မြို့တော် စည်ပင်သာယာရေး ကော်မတီ၊ ပန်းဥယျာဉ်နှင့် အားကစားကွင်းများ ဌာန အောက်တွင် ပန်းခြံပေါင်း ၅၈ ခု ရှိကြောင်း၊ ၂၀၁၃ ခုနှစ်အတွင်း ပန်းခြံ အချို့ကို အခမဲ့ ပန်းခြံအဖြစ် ဆောင်ရွက်ခြင်း၊ ပန်းခြံ အဆင့်မြှင့်မှုများ ယခင် နှစ်များထက် ပိုမို ဆောင်ရွက်လာကြောင်း အဆိုပါ ဌာနထံမှ သိရှိရသည်။
The Voice Weekly
No comments:
Post a Comment