အင်ဒိုနီးရှား နိုင်ငံတွင် ထောင်တွင်းအုံကြွမှု တစ်ခု ဖြစ်ပွားရာ လူ(၅)ဦးထက်မနည်း သေဆုံးသွားကြောင်း သိရှိရသည်။ နိုင်ငံ အနောက်ပိုင်းရှိ အကျဉ်းထောင် တစ်ခုတွင် အကြမ်းဖက်မှုအတွင်း ပြစ်ဒဏ် ချမှတ် ခံထားရသူများ အပါအဝင် လူပေါင်း (၁၅၀)မျှလည်း လွတ်မြောက်သွားကြောင်း ရဲတပ်ဖွဲ့က ပြောကြားခဲ့သည်။
"အသေအပျောက် စာရင်းက (၅)ယောက် ရထားပြီးပြီ။ ထောင်သား(၃)ယောက်နဲ့ ဝန်ထမ်း (၂)ယောက်တို့ပါ"ဟု မြောက်ပိုင်း ဆူမားတြား ရဲဌာန ပြောရေးဆိုခွင့်ရ အရာရှိ ဟီရူ ပရက်ကိုဆိုက ဆိုသည်။ ထောင်တွင် မီးလောင်မှုများ ဖြစ်ပေါ်လာရာမှ ယခုလို လူသေဆုံးမှုများ ပေါ်ပေါက်ခဲ့ခြင်းဟုလည်း ၎င်းက ပြောကြားခဲ့သည်။
လုံခြုံရေး ဝန်ထမ်းများသည် မီဒန်စီးတီးတွင် ကြာသပတေးနေ့က စတင်ဖြစ်ပေါ်လာသော အုံကြွမှုကို သောကြာနေ့ထိ တားဆီးနိုင်ရန် ကြိုးစား ရုန်းကန်နေရဆဲ ဖြစ်သည်။ တန်ဂျင်အန်း ဂျူစတာ အကျဉ်းထောင်မှ အကျဉ်းသား (၁၅၀)မျှသည် ထွက်ပြေး လွတ်မြောက်ကုန်ကြောင်း ပရက်ကိုဆိုက ဆက်လက် ပြောကြားခဲ့သည်။
ထောင်ထဲတွင် လျှပ်စစ်ဓာတ်အား ဖြတ်တောက်မှုနှင့် သောက်ရေ၊ သုံးရေခွဲတမ်း လျှော့ချမှုကို မကျေနပ်သည့် ထောင်သားများက အကျဉ်းထောင်ကို မီးတင်ရှို့ရာမှ ဆိုးဆိုးရွားရွား အခြေအနေများ ပေါ်ပေါက်လာခဲ့သည်။
နောက်ပိုင်းတွင် အကျဉ်းသား အချို့ကို ပြန်လည် ဖမ်းမိခဲ့သော်လည်း အကြမ်းဖက်မှုအတွက် အဖမ်းခံထားရသူ (၆)ဦး အပါအဝင် လူ(၁၀၀)ကျော် လွတ်မြောက်နေဆဲဟု ဆိုသည်။ ယင်းထောင်တွင် အကြမ်းဖက်သမား (၁၁)ဦးကို ထိန်းသိမ်းထားပြီး အချို့သည် စစ်သွေးကြွများ၊ အချို့သည် ဘဏ်ဓားပြများ ဖြစ်နေကြောင်း ရဲတပ်ဖွဲ့က ပြောကြားထားသည်။
#Indonesia, #prison
#PlanetMyanmar
No comments:
Post a Comment